ສະພາບທາງດ້ານເງິນຕາຂອງ ສປປ ລາວ ໂດຍ ລວມຍັງສືບຕໍ່ມີສະຖຽນລະພາບ, ອັດຕາແລກປ່ຽນ ສືບຕໍ່ມີຄວາມສະຫງົບເຄື່ອນເໜັງຕາມຂອບເຂດທີ່ກຳນົດໄວ້, ອັດຕາເງິນເຟີ້ຍັງຮັກສາໄດ້ໃນລະດັບຕໍ່າ ຕົວເລກດຽວຄື: ອັດຕາເງິນເຟີ້ສະເລ່ຍໃນ 6 ເດືອນຕົ້ນປີ ແມ່ນ 4,96%. ການຂະຫຍາຍຕົວຂອງ ປະລິ ມານ ເງິນໃນໄຕມາດ 2/2012 ແມ່ນ 5,39% ທຽບໃສ່ທ້າຍປີ 2011. ລະບົບທະນາຄານສືບຕໍ່ໄດ້ຮັບ  ການພັດທະນາ ແລະ ຂະຫຍາຍຕົວຢ່າງບໍ່ຢຸດຢັ້ງ. ຮອດໄຕມາດ 2/2012 ຍອດຊັບສິນ ເພີ່ມຂຶ້ນມາເປັນ 45.169,510 ຕື້ກີບ ຫລື ເທົ່າກັບ 24,58% ທຽບໃສ່ທ້າຍປີ 2011; ຍອດເງິນຝາກເພີ່ມຂຶ້ນ23.430,50 ຕື້ກີບ ຫລືເທົ່າກັບ 9,03% ທຽບໃສ່ທ້າຍປີ 2011 ແລະ ຍອດສິນເຊື່ອຂອງທະນາຄານ ທຸລະ ກິດໄດ້ເພີ່ມຂຶ້ນມາເປັນ 20.727,47 ຕື້ກີບ ຫຼືເທົ່າກັບ 17,72% ທຽບໃສ່ທ້າຍປີ 2011. ລະບົບທະນາຄານ ສືບຕໍ່ມີຄວາມປອດໄພໝັ້ນຄົງ ແລະ ມີຈຳນວນເພີ່ມຂຶ້ນ ເປັນ 28 ແຫ່ງ ໃນໄລຍະດຽວກັນ.ນະໂຍບາຍເງິນຕາ ຂອງທະນາຄານແຫ່ງສປ ປ ລາວ (ທຫລ) ແມ່ນສືບຕໍ່ປະຕິບັດເພື່ອແນໃສ່ ຮັກ ສາສະຖຽນລະພາບທາງດ້ານເງິນຕາແຫ່ງຊາດໃຫ້ມີຄວາມ ໝັ້ນທ່ຽງຍາວນານ, ຮັບປະກັນການຂະຫຍາຍຕົວຂອງປະລິມານເງິນ ໃຫ້ສອດຄ່ອງກັບຈັງຫວະການຂະຫຍາຍຕົວຂອງເສດຖະກິດແຕ່ລະໄລຍະ ແລະ ບໍ່ໃຫ້ກະທົບຕໍ່ເງິນເຟີ້. ໃນໄຕມາດ 1&2/2012 ທຫລ ໄດ້ຈັດຕັ້ງປະຕິບັດນະໂຍບາຍເງິນຕາແບບປະສົມປະສານໂດຍໄດ້ນຳໃຊ້ເຄື່ອງມືເງິນຕາຄື:

(1) ສືບຕໍ່ຮັກສາອັດຕາເງິນແຮຝາກບັງຄັບໄວ້ໃນລະດັບ 5% ສຳລັບເງິນຝາກເປັນເງິນກີບ ແລະ

10% ສຳລັບເງິນຕາຕ່າງປະເທດ;

(2) ສືບຕໍ່ຮັກສາອັດຕາດອກເບ້ຍເງິນກູ້ໄລຍະສັ້ນບໍ່ເກີນ 7 ວັນ ສຳລັບເງິນກີບ 5% ຕໍ່ປີ, 6,25%

ຕໍ່ປີ ສຳລັບເງິນກູ້ຢືມບໍ່ເກີນ 14 ວັນ ແລະ 12,5% ຕໍ່ປີ ສຳລັບການກູ້ຢືມບໍ່ເກີນ 1 ປີ;

(3) ສືບຕໍ່ຊຸກຍູ້ໃຫ້ຕະຫຼາດເປີດເຄື່ອນໄຫວຢ່າງແຂງແຮງ ໂດຍສືບຕໍ່ຈຳໜ່າຍພັນທະບັດ ທຫລ

ໃນຕະຫຼາດຂັັ້ນໜຶ່ງ ແລະ ຕະຫຼາດຂັ້ນສອງຢ່າງເປັນປົກກະຕິ;